2 l slátursoð
2 blóðmörskeppir
2 lifrarpylsukeppir
1 msk hafragrjón
1 msk hrísgrjón
200 g hvítkál
50 g grænkál
100 g gulrætur
½ kg gulrófur
Salt eftir smekk
1 kg kartöflur

Sé slátursoðið til, er það notað, annars vatn. Blóðmörs- og lifrarpylsukeppir eru soðnir í tvær klukkustundir. Þá eru grjónin, rófur (og seljurót) látið út í og soðið í 10 – 15 mín. Allt grænmetið, sem skorið er smátt, látið út í og soðið í 10 – 15 mín. Söltuð eftir smekk. (Athugið, að slátursoðið sé ekki og salt). Sé steinselja notuð, skal hún söxuð og látin í seinast. Gott er að hafa soðnar kartöflur með blóðmörnum. Súpan skal borðuð með slátrinu. Ekki er nauðsynlegt að hafa svona margar tegundir af grænmeti í súpuna.

Matur og drykkur, Helga Sigurðardóttir, Reykjavík 1991
Bókina er væntanlega hægt að nálgast í verslunum Máls og Menningar.