2 kg rúgmjöl
1 l vatn eða sýrublanda
1 tsk salt

Rúgmjölið er sett í skál. Vantið er hitað með saltinu, hellt út í rúgmjölið og hrært í, þangað til deigið er vel jafnt. Hnoðað, þangað til það er jant og sprungulaust. Mótað með fitugum höndunum í brauð. Sett í vel smurðan dunk. Brauðið má ekki fylla út í dunkinn, því að það lyftir sér. Rakur klútur lagður yfir og bíði til næsta dags á volgum stað. Smjörpappír lagður yfir brauðið og dunkinum lokað vel. Settur í pott, sem er ofurítið stærri og víðari en dunkurinn. Vatn sett í pottinn, svo að það nái upp á miðjan dunkinn, rist látin í botninn og þettur hlemmur á. Soðið við hægan hita í 3 klst. Þá er brauðinu hvolft úr og snúið við í dunkinum, og brauðið soðið aftur í 3 – 4 klst. Hve lengi brauðið er soðið, fer eftir því, hvað seytt það á að vera. Það mun vera í meðallagi seytt eftir 6 klst. suðu.

Matur og drykkur, Helga Sigurðardóttir, Reykjavík 1991
Bókina er væntanlega hægt að nálgast í verslunum Máls og Menningar.