Fiskroð, ugga og sporða má hagnýta, séu þau súrsuð. Roðin eru lögð í saltvatn um stund, skafin og þvegin vel upp úr köldu vatni. Hleypt upp á þeim suðu í örlitlu vatni. Öllu hellt í skál, sem skoluð er áður úr köldu vatni. Bíði til næsta dags. Þá er það hlaupið. Hvolft úr skálinni og látið í góða sýru. Einnig má sleppa að sjóða roðin. Eru þau þá hreinsuð eins og áður er sagt, en þá eru þau sýrð í súrum áfram, eða látin í lögum ofan í frekar þunnt skyr. Þegar roðin eru súr, eru þau orðin mjúk og þykk.

Matur og drykkur, Helga Sigurðardóttir, Reykjavík 1991
Bókina er væntanlega hægt að nálgast í verslunum Máls og Menningar.