1 ½ kg saltfiskur
2 ½ l vatn
Gulrófur
Kattöflur
Brædd tólg eða sinnepssósa

Saltfiskurinn er afvatnaður, skafinn og skorinn í sundur. Látinn ofan í vatnið, þegar sýður. Soðinn í 10-20 mín. við hægan eld. Fiskurinn færður upp, roð og bein hreinsuð frá, raðað á fat, soðnum rófum og kartöflum raðað utan með. Með fiskinum er borðað brætt eða óbrætt smjör, sinnepssósa eða steinseljusósa. En gamall og góður siður er að hafa kjötflot eða tólg út á fiskinn. Oft er höfð hamsatólg, og er ágætt að hagnýta hana á þann hátt. Njóla- eða grænkálsjafningur er ágætur með saltfiski.

Matur og drykkur, Helga Sigurðardóttir, Reykjavík 1991
Bókina er væntanlega hægt að nálgast í verslunum Máls og Menningar.