1 hvítkálshöfuð
100 g smjör
½ kjötdeig

Yztu blöðin eru tekin af hvítkálinu og sneið skorin neðan af því. Skorið er innan úr kálhöfuðinu, svo að myndist hæfilega stór hola fyrir kjötdeigið. Það þarf að vera rúmt fyrir það, svo að það geti lyft sér. Lokið er bundið yfir og soðið í saltvatni 3-4 stundafjórðunga. Gott er að hafa rist í botninum á pottinum, svo að síður brenni við. Borðað með sósu eins og hvítkálsbögglar eða með bræddu smjöri.
Ath. Gott er að nota kálið, sem tekið er innan úr höfðinu í brúnkál, hvítkálsjafning eða súpur.

Matur og drykkur, Helga Sigurðardóttir, Reykjavík 1991
Bókina er væntanlega hægt að nálgast í verslunum Máls og Menningar.