40 g fjallagrös (1 hnefi)
2 msk sykur
2 dl vatn
1 1/2 l mjólk
1-2 egg
1/2 msk sykur
1 tsk kartöflumjöl
Vanilla

Grösin eru þvegin út köldu vatni. Sjóðandi vatni hellt yfir þau, tekin upp úr og þerruð í línklút og söxuð frekar gróft. Sykurinn brúnaður á pönnu. Grösunum hrært saman við í 2 mín. Mjólkin hituð í potti, grösunum hellt þar út í og soðið í 2-3 mín. Egg, sykur og kartöflumjöl þeytt vel í súpuskál. Séu notaðir vanilludropar, eru þeir settir þar í, og sé notuð vanillustöng, er hún soðin í mjólkinni. Grasamjólkinni er nú hellt smátt og smátt út í eggin í súpuskálinni og hrært vel í á meðan.

Matur og drykkur, Helga Sigurðardóttir, Reykjavík 1991
Bókina er væntanlega hægt að nálgast í verslunum Máls og Menningar.