700 g rabarbari
8 dl vatn
100 g sykur
50 g sagómjöl eða kartöflumjöl
2 dl vatn

Rabarbarinn er þveginn og skorinn í 1-2 sm bita. Þegar vatnið síður, er hann látinn í pottinn ásamt sykrinum. Soðið þar til hann er kominn í mauk, í 3-5 mín. Mjölið er hrært út í köldu vatni og jafnað með því. Hellt upp í skál og sykri stráð á.
Ath. Sé rabarbarinn grófgerður, þarf að sía grautinn, áður en hrært er út í hann. Er þá sykurinn ekki soðinn með.

Matur og drykkur, Helga Sigurðardóttir, Reykjavík 1991
Bókina er væntanlega hægt að nálgast í verslunum Máls og Menningar.