30 g smjörlíki
30 g hveiti (3 msk)
1 1/2 l kjötsoð
Salt og pipar
200 g njóli

Njólinn er beztur fyrst á vorin, áður en hann fer að blómstra. Allt, það sem ormétið er eða skemmt í njólablöðunum, er tekið burt. Þveginn úr köldu vatni og síðan úr heitu vatni og saxaður smátt með hníf eða í söxunarvél. Kjötsoðið jafnað með smjörbollu (smjör og hveiti). Þegar súpan sýður, er njólinn settur út í og allt soðið í 5 mínútur. Gott er að láta 1/2 harðsoðið egg í hvern súpudisk. Einnig er gott, hafi maður ekki egg, að hafa kartöflur og rófur í súpuna.

Matur og drykkur, Helga Sigurðardóttir, Reykjavík 1991
Bókina er væntanlega hægt að nálgast í verslunum Máls og Menningar.