4 fólk

1 lambssíða
1 tesk. av salti
1 tesk. av pipari
2 súrepli
1 súpusk. av sukri
100 g av sviskum

Sker beinini úr síðuni, reinsa og turka við einum reinum viskustykki og gníggja inn við saltinum.
Súreplini verða flust og skorin í bátar.
Roða tey og sviskurnar í sukrinum og legg á síðuna.

Rulla hana fast saman og seyma hana, gníggja við salti og pipari og vev við hvítum bummulstógvi og legg hana í bakarovnsskuffuna.
Hita ovnin til 200°-225° og steik niðurlaga í ovninum í 1 1/2 tíma. Stoyt 1/2-1 l av vatni útyvir undir steikingini.

Sós
Tá ið steikt er, verða vætan sílað í eina grýtu, feittið tekið omanav og javningur av hveitimjøli gjørdur útá.

Hav kókað og brúnkað epli, og reyðkál afturvið.

Rullusteik kann eisini kókast. Kókitíðin er 1 1/2 tíma.

(Jónhild Henriksen, Góðaráð, 1987)