6 fólk

1,3 kg av rognum
300 g av sukri
125 g av rosinum
700 g av hveitimjøli
5 tesk. av bakipulvuri

Set eina víða grýtu útá við 1 súpisk. Av grovum salti í løgnum.
Kroyst úr rognabrókunum niður í eitt ílát.
Koyr sukrið og rosinurnar í.
Blanda bakipulvurið upp í mjølið og knoða upp í rognini.
Slá knettini upp við vátari hond og slepp teimum beinanvegin niður í kókandi løg. Flotna tey ikki sjálv, so loys tey frá botni. Minka varman, so tey kóka spakuliga.
Rognaknetti skulu kóka í 25-30 mín.
Tað má bert vera eitt lag av knettum í ísenn.
Hav mjólk afturvið.
Rognaknetti, skorin í flísar, smakka væl upphitað á pannuni.

(Jónhild Henriksen, Góðaráð, 1987)