3 kg rabarbari, 3 l vatn, 3 kg sykur.
Rabarbarinn er þveginn vel úr köldu vatni, látið síga vel af honum og hann skorinn smátt eða saxaður í söxunarvél. Settur í ílát ásamt vatninu, bíði í 9 daga í eldhúsinu, en það verður að hræra í rabarbaramaukinu 3 – 4 sinnum á dag eð hreinu tréskafti.
Nú er drykkurinn síaður og lögurinn látinn í 10 lítra flösku og sykurinn látinn saman við. Bíði 2-3 vikur. Þá er tappi settur í og flaskan geymd á köldum stað í 3-4 mánuði. Er þá réttara að láta drykkinn í minni flöskur sem nota má smám saman.
Rabarbarbitana, hafi rabarbarinn ekki verið saxaður, sem síaðir hafa verið frá, má nota í grauta, mauk, eða í staðinn fyrir rúsínur.

(Hallgerður Gísladóttir, Íslensk matarhefð, Reykjavík, 1999)