Handa 12.

1 pd. tvíbökur,
1 pd. sykur,
2 pd. rabarberleggir,
50 kv. smjör,
2 kv. kanel.

Leggina skal þvo, flysja og skera smátt niður, láta síðan leggina og kanelinn í pott ásamt 70 kv. af sykrinum og sjóða þá í 15 mínútur. Tvíbökurnar skal steyta fínt og láta 30 kv. af sykri í þær. Smjörið skal bræða. Kakan er bökuð í móti með lausum botni. Eitt lag af tvíbökum er látið á botninn og ausið yfir það 1/4 af smjörinu; 1/3 af rabarberleggjunum er látinn þar ofan á og því næst tvíbökur og smjör; þannig skal raða á víxl í mótið, þangað til allt er búið. Tvíbökur skulu vera efst. Kakan er bökuð í 1 tíma.

(Hallgerður Gísladóttir, Íslensk matarhefð, Reykjavík, 1999)