4500 gr. vatn, 1750 gr. kjöt, 75 gr. smjör, 75 gr. hveiti, 1000 gr. gulrófur, 150 gr. kerfill (kjörvel) (saxaður), hálf matskeið salt.
Kjötið og gulrófurnar er soðið í vatninu með saltinu, en gulrófurnar eru teknar upp úr, ef þær eru soðnar á undan kjötinu. Soðið er síað, flotið veitt vel ofan af. Smjörið brætt, hveitið hrært saman við og þynnt með soðinu. Kerfillinn (kjörvel) er þveginn og saxaður, þar til hann er orðinn vel smár, og látinn í súpuna, þegar búið er að jafna hana. Súpan er soðin í 10 mín., gulrófurnar látnar í og salti bætt við eftir smekk. Súpan er borðuð með kjötinu. Kerfilsúpu (kjörvels-) má einnig borða með kjötbollum, hveitibollum eða soðnum, sundurskornum eggjum. Se eitthvað af þessu haft í súpuna, er kjötið borðað sem eftirmatur í einhverri sósu, eftir því sem hver vill.

(Hallgerður Gísladóttir, Íslensk matarhefð, Reykjavík, 1999)