3500 gr. vatn, 1000-2000 gr. súrur, 250 gr. sykur, 100 gr. kartöflumjöl, 2 stengur kanel.
Súrurnar eru þvegnar vel og soðnar með kanelnum, þar til þær eru komnar í mauk. Þá síaðar og jafnaðar. Sykurinn svo látinn í. Í súrusúpu er gott að láta lítið eitt af aldinsafa eða rauðum lit. Verður súpan þá fallegri á litinn og bragðmeiri af safanum. Súpan er borðuð með tvíbökum eða brúnuðu hveitibrauði eftir því sem hver vill. Súrur hafa allir í túnum á sumrin og getur það verið þægilegt, þar sem ekki er til tröllasúra (rabarbari). – Njólasúpa er soðin á sama hátt.

(Hallgerður Gísladóttir, Íslensk matarhefð, Reykjavík, 1999)