400 gr. rúgbrauð, 75 gr. sykur, 75 gr. smjör, 60 gr. súkkulaði, 250-500 gr. rjómi, 60 gr. berjamauk.
Hörðustu börðin eru skorin af brauðinu og það rifið með járni sundur, eða mulið milli handanna, svo það verði að fínni mylsnu. Sykurinn og smjörið er brúnað ljósbrúnt, ásamt brauðinu, og þarf á meðan að hræra stöðugt í og líka á meðan það er að kólna, svo að það renni ekki saman og brauðið verði smátt. Súkkulaðið er skafið niður. Síðan er látið eitt lag af brúnuðu brauðinu í glerskál og annað af súkkulaði, en það á að vera miklu þynnra. Þannig er skálin fyllt, að á víxl er látið súkkulaði og brúnaða brauðið og hér og hvar á milli laganna má dreifa berjamaukinu. Rjóminn er stífðeyttur og látinn ofan á og skreyttur með berjamauki hér og hvar. Borið á borð í glerskál með skeið í og borðað sem ábættir.

(Hallgerður Gísladóttir, Íslensk matarhefð, Reykjavík, 1999)