300 g hveiti
2 stk. egg
ca. 6 dl mjólk
1-1/2 msk. smjör
1 tsk. lyftiduft
1 msk. sykur
1 tsk. vanilludropar

Setjið hveitið í skál. Setjið eggin saman við ásamt lyftiduftinu. Hellið helming af mjólkinni saman við og vinnið þar til kekkjalaust. Ef of miklu af mjólkinni er hellt út í getur deigið farið í kekki. Blandið svo afganginum af mjólkinni rólega saman við deigið og vinnið rólega saman, að síðustu er bræddu smjörinu blandað út í. Fitið pönnuna ef þarf og hafið hana vel heita þegar deigið er bakað. Ef deigið er of lengi að bakast verða pönnukökurnar seigar. Einnig er hægt að sleppa sykrinum en þá verða þær ljósari.