500 gr. rúgmjöl
300 gr. vatn

Vatnið er soðið og rúgmjölið vökvað með því, hnoðað svo saman og skipt í dálitla parta. Hver partur er hnoðaður vel milli handanna og breiddur út með kefli í heldur þykkar, kringlóttar kökur, sem svo eru pikkaðar með prjóni og bakaðar næsta dag á glóðareldi. Ef bakað er brauð strax, er betra að láta í deigið 125 gr. af súrum drykk. Flautbrauð má líka steikja á pönnu. Þarf þá að hafa dálítið af feiti á pönnunni, svo að kökurnar brenni ekki við og snúa þeim stöðugt. Í flatbrauð er gott að hafa soðnar gulrófur, en þess verður að gæta, að nota þá mikið minna af vatninu. Brauðið verður sætt og bragðgott af rófunum. Einnig er mjög gott að hafa dálítið af hveiti saman við rúgmjölið, sérstaklega sé það gróft.

(Hallgerður Gísladóttir, Íslensk matarhefð, Reykjavík, 1999)