Kjötið, sem best er að sé hálfrófustykki, er barið með tréhamri, og látið svo liggja í ediki í 4 dægur, en snúið að minnsta kosti einu sinni á dag. Þá er edikinu hellt af, svo kjötið verði þurrt, og svo núið inn í það salti, steyttum negul, allrahanda og pipar. Svo er kjötið brúnað í smjöri báðum megin, hellt á það dálitlu af edikinu, sem það lá í, ásamt nokkru af vatni og steikt þangað til er orðið meyrt. Feitin er síðan veidd ofan af ídýfunni, og hún síuð í skál, og jöfnuð með svo sem teskeið af brúnuðu hveiti.

(Hallgerður Gísladóttir, Íslensk matarhefð, Reykjavík, 1999)